Schun wiedrum mir in Johrmark sin!
Do is halt immer was zu gsiehn.
Der Ort is scheen, beriehmt un groß
un, wie mer gsieht, drin aach was los,
beriehmt halt net so umesunscht:
Do lebt de Sport, do lebt die Kunscht!
Un Blechmusich - mer glaabt bal schun,
daß die in Johrmark is erfun.
Zu dem, was mer schun gheert un weeß
hat mer vor korzem wiedrum gles:
Die Blaskapell vun aus dem Ort
- im Wettbewerb war so weit fort
un hat e Goldmedailln gwunn!
De Scheef: de Mathias Loris jun.
Es Dorf is uf die Leit gar stolz,
die wu do blose "Blech"
un "Holz",
uf Hundsleder tun kloppe, singe
un Goldmedailln hem tun bringe.
A Feier han se gemach for die
goldmedaillierti Blospartie,
doch han vun dere Feier grad
die Musikante wenich ghat;
han gspielt, geblost die ganzi
Zeit
un unerhal die Gäscht, die Leit.
Drum hat mer die heit repetiert,
a "Hogyvolt" vun dem Fescht prowiert
for daß de Musikant aach
mol
sich selwer unerhale soll.
De Pipatsch-Besm hat des gheert
un is, wie sich schun so was gheert,
zur Feier aach uf Johrmark hin,
die "goldni" Musikante
gsiehn.
Hat Glick gewunsch dort, tuts aach do:
Ihr Johrmarker, machts weiter so!
Derbei han mir dann rausgfun glei,
wie die do steht, die Bloserei:
In Johrmark scheints, de "gute Ton",
der fangt mit Musich mache on!
Beim Loris Matz, dem ältre, is
a Musikantewerkstatt gwiss.
Mer kennt schun saan, bal
industriell
geht die "producţie" vun der Stell.
Ja,
Blose is do Tradizion,
es
lernt die viert Generation
mit
Eifer un mit Ambizion,
des
gibt die Qualifikazion!
De Ignaz Rosar, der sitzt dort
als ältschte Musikant im Ort
am Ehreplatz. Gut 80 er;
em Alter gheert aach do die Ehr.
De Traian Meşter newedran,
de
Bürgermeister, mer kann saan,
die
ganzi Gmeindeowrichkeit
is kumm!
A Ehr fors Dorf, die Leit.
De Lukas
Michl fiehrt uns dann
- Kulturheimd'rektor
do der Mann -
im Saal
rum, stellt a Mann uns vor,
in
Johrmark glebt un do gebor,
de Michl Tritz, Soloflieglhornist,
wu
vleicht de beschte Bläser is!
Ja, gut un besser,
extra gar
is do die Musikante-"War".
Des kann mer heere un aach gsiehn,
des stecht im Blut, im Bode drin.
Doch lebt nor des un kummt aach weit,
was - iwerhol vun jungi Leit -
aach weitergfiehrt werd ernscht un gut,
wie mers in Johrmark mache tut.
Do is an junger Kraft ke Not
un manchi schun ganz gut gerot.
De Jingschte stelle mir eich vor,
(hat langi Hoor) un erscht zwelf Johr,
Bassflieglhorn sei
Instrument
un Reinhardt Junginger genennt.
Nor drei Johr älter is de Pheder,
de Pesch, den kennt do aach jeder
am Flieglhorn schun an seim Ton.
- Die Meistre fange fruh halt on...
Vun "Lorise" es
Dorf is voll
un "Loris Matze"
sogar soll
es achtzehn, zwanzich Stick gar
gin.
A Spitzname muss jeder kriehn,
sunscht kann mer jo die Leit net
kenne.
A paar so "Matze"
will mer nenne:
"Vum Lothringen de Turmann Matz,
de Alt-Gass-Schwowe-Vetter-Matz",
nor zwei vun zwanzich Mann des sin
mit "Loris Matz"
im Buletin ...
- Inzwische war die Stimmung
gstieh
un wärmer gin die "Harmonie",
mit Lied un Tanz de Saal do voll ...
Gelee hats net am - Alkohol,
gelee hats ewe an die Leit,
an Freindschaft un Gemietlichkeit.
Mir han uns gut gfiehlt alli zwei
un ware gere do derbei.
Han Scheenes gsiehn un viel
erfahr,
nor een Froch ohni Antwort war:
Wieviel im Dorf sin Musikant?
Die Zahl is groß, doch unbekannt.
In dem brauch mer ke Sorch do
schleppe,
mer kann do ausm Volle scheppe.
Mir mache Schluß, adje, ihr Leit,
es hat uns gfall, es hat uns
gfreit.
Mir kumme gere wiedrum her;
es Fortfahre fallt do nor schwer ...
Ufgschrieb vum Michl Gradaus
Gemolt vum Bittenbinder
Franzi
aus NEUE
BANATER ZEITUNG / PIPATSCH,
Temeswar, 15. September 1974
Temeswar, 15. September 1974
Keine Kommentare:
Kommentar veröffentlichen